Hönnuðurinn

Sigrún Björg Aradóttir

Grafískur hönnuður

Ég er grafískur hönnuður að mennt frá Myndlistaskólanum á Akureyri. Strax eftir útskrift 2012 hóf ég störf á auglýsingastofu í Reykjavík og hef starfað sem grafískur hönnuður síðan þá. Áður en ég fór að einbeita mér að grafíkinni vann ég sem tæknimaður og klippari og hef meðal annars unnið fyrir Stöð2, N4 og RÚV. Ég er endalaust með eitthvað kraumandi í hausnum og hef óstöðvandi þörf fyrir að skapa og bæta umhverfið.

Snemma árs 2016 flutti ég starfsstöð mína norður til Akureyrar og fór að vinna sjálfstætt og sem verktaki fyrir stofur að sunnan. Í byrjun árs 2017 var ég svo búin að stofna Agndofa og farin að færa mig út í vöruhönnun samhliða grafísku vinnunni.