Skurðarbretti - Berðu fram safaríkan mat á fallegum demanti

Einstaklega fallega hannað bambus skurðarbretti með rákum til að taka við safanum. Frábært fyrir minni steikur, safaríka ávexti eða sem fallegur bakki undir nýbakað brauð og osta. 

Blettóttir dúkar og klístruð borð eru ekki það skemmtilegasta þegar búið er að hafa fyrir því að leggja fallega á borð. En vökvi er eitthvað sem maður þarf gjarnan að eiga við eftir að hafa skorið niður safaríkan mat. ímyndaðu þér að geta borið fram girnilega steikarbita á fallegu bretti á hvítum dúk og þurfa ekki að rífa upp blettahreinsinn. Eða bera fram safaríka ávexti og vera ekki með klístraða bletti í kringum brettið.

Demant skurðarbrettið frá Agndofa gerir það mögulegt. Rákirnar sem eru vandlega staðsettar liggja þvert yfir brettið og grípa vökvann um leið og hann lekur úr matnum, þannig það liggja ekki pollar á brettinu sem skvettast út um allt ef maður missir kjötbita af gafflinum.

Kostir þess að nota bambus í skurðarbretti 

• Sjálfbær og umhverfisvænn. Ólíkt öðrum viðartegundum sem taka um 50 ár að ná fullum vexti þá vex bambus margfalt hraðar. Það tekur einungis 3 til 6 ár að ná uppskeru sem gerir viðinn einstaklega umhverfisvænan og sjálfbæran. 
• Endingargott og hart. Bambusbretti eru létt, en samt eru þau mun harðari en aðrar tegundir viðarbretta. Vegna þess hve harður viðurinn er þolir brettið mikið álag, rispast síður og endist vel. En þrátt fyrir að vera hart þá er viðurinn ekki svo harður að hann skemmi bitið á hnífum. 
• Vatnsfráhrindandi. Ólíkt flestum viðartegundum þá hrindir bambusviðurinn frá sér raka. Vegna þessa þá er viðurinn ólíklegri til að verpast og springa.
• Hrindir frá sér bakteríum. Með réttri meðhöndlun á bambusbrettinu þarf síður að hafa áhyggjur af bakteríum. Það er náttúrulegur eiginleiki viðarins að hrinda frá sér bakteríum. 
• Auðvelt að viðhalda. Vegna fráhrindandi eiginleika efnisins draga bambus brettin síður í sig lykt og lit frá matvælunum eins og önnur viðarbretti. Með góðri umhirðu og meðhöndlun mánaðarlega með olíu mun brettið haldast fallegt árum saman.